Sibale Academy, Iwag Ka Namo It Kato, Ngasing ag Insulip

By: Floserfino Fabroa Famarin

Iwag ka dahil sa paghigugma it amo mga pinalanggang maguyang nag ka inggwa it sarang kami tanan nak imo mga anak para irangoy sa tampihon nak kalalawran maabot yang kag bawat amo adhikaon, habagaton man o masubasko ag kanaway. Ikaw it amo naging kuyaw-kuyaw sa pagsikap halin sa kapidapihan paagto sa mabungkag nak mga lugar. Sayong ka namo nak pag sinug-an ay mahalimuyak pa ka imo bangyo nak nag tatao sa amo it isog ag kusog. Maramong salamat nak kami ay imo ing paayaw.

It tahapon, maisotin pa yang ako buko naku sador kung riin ako ipapalir it subasko sa kinabuhi it usang musmus nak anak it Sibalenhon. Kakarampot yang ka byinas it ako mga maguyang kuyang pa para ako ay mapa aray sa mayadong eskwelahan nak talagang usang masubo nak pananamgo. Peru sa pag sulpot nimo Sibale Academy usa kang himala, usa kang diwata para sa amo adong kami ay maka iskusar miskan papaun-on marugangan yang kag amo inarayan ag kaayaman.

Ngasing, ikaw Sibale Academy usa kang tanikala sa buhay namong tanan nak dapat yang hanrumon, haruan, kupkupon ag papurihan dahil kung buko sa imo kami ay waya reli sa Saudi Arabia, sa America, sa Canada, sa Australia, sa England, ag maramo pang lugar. Indi maubos-ubos ka amo pagpapasalamat sa imo ag amo pangamuyo nak basi pang ikaw ay hanra pa gihapon sa amo mga ginikanan nak iyunyunsor pa yang.

Insulip, talagang pangabay namo nak ka imo kahadagan ay perming ragabyab adong pag subat ni haring adlaw insulip sa parting Bidoos ikaw ay masadyang naka athag ka imo busilak ng puso para sa mga maabot pang mga anak it Sibale. Basi pang indi kang gador magpayong ag dapat yang nak perming mahadag ag nakahidom sa inra pag pasilong sa imo agur imo sinra mahubog bilang mga anak it Sibale. Ayang gador gi paraog sa hagupit it habagat, ikaw it iwag namo tanan hanggang sa masunor pang mga siglo.

amor

Posted by under Literary and Poems. Posted on February 25, 2008. Modified on March 6, 2008 .

Share on Facebook

9 Responses to “Sibale Academy, Iwag Ka Namo It Kato, Ngasing ag Insulip”

  1. Eugene Fajilago says:

    nakakatibaw ra ling imo tula, ak na roromruman tuloy kag mga adlaw nak na pa ning ogto it puro ginataang ito ito, nak oya kan on kundi baling hoy

  2. Limuel F. Ferriol says:

    Manong Flos,

    Ako ing papaabot ka ako pagbati ag pangangamusta sa imo ag sa tanang sibalenhon nak rahina sa Middle East! Buko nako ikaw masyadong kilaya pero subang magkamag-anak pa kita dahil ka ako lola sa mother-side ay Famarin (lola Ampang Famarin asawa it Eusebio Fallarme). Talagang nakaka-antig it damdamin kaling imo ing himong tula para sa ato Alma Mater (Sibale Academy) ag dapat yang nak imaw kali it mapili nak maging “Theme or Slogan”sa paaboton nak grand reunion it tanang mga Sibale Academy alumni. Kamusta uli sa inro ag kang Delbert Fetesio, batchmate nako sida.

  3. perlo fabella says:

    uncle flos kilayang gador nimo kag ako tatay si antinor fabella pay ako pa nnroromroman ka mga ingrayanan namo nak hirap sa pag pa ilig sa pader sa bato adong ingwa it e hikot sa aga bag o mag bagtas it pabisong nak ma pa iskol sa academy miskan rabuno uya ka bayon bayon. ag ma pauli ray pg abot it pning ugto maski nong inet rabuno ra.

  4. Floserfino Famarin says:

    To Perlo, Limuel and Fajilago, i am interested to exchange emails with you. Please email me at flosffamarin@yahoo.com, fffamarin@se.com.sa so we can better know each other before the 2009 Sibale Academy Alumni Homecoming. Tell all your friends to register to SAHA 2009 so that they are updated on what is going on. i really admire people who are good in communication because this is where we sibalenhons are very poor. Good communicator earns successes i muct believe. Sen. Ninoy Aquino or our very own ConCon Delegate Manny Martinez were both excellent communicator during their time. In Sibale the most i admire nowadays are Nicon Fameronag, Boy Fabregas and perhaps my scholars. Best regards. Uncle Flos

  5. uncle musta n. okey ling imo tula. dapat ingwa gihapon it tula kag ato balik molo nak nakarayan?

  6. judy mazo bruselas says:

    Maliban kang Perlo nak pinsan nako, buko man nako kamo siguro kilaya nak gador, ako ay kausa ninro sa pagrumrum it katong masasadyang mga adlaw sa Academy. Puro panaw pa kami it kato mula sa Sampong baktot ka yamit ag pagkaon. Minsan di suya minsan ay uya, peroy masadya gihapon. I’m proud to say that the very first french word I learned was from my Mng. Jed. The second one was from my beloved teacher, Mrs. Pura G. Fabella. We might not have all the modernities that others enjoy, but we have what it takes: perseverance and determination. I’m so glad we have our own site! To all current students, may you really take into account your parents’ sacrifice and do your utmost best. Think of it as a great privilege. Studying is SO enjoyable!

  7. jun says:

    sa tanang taga sibale,kakilaya man naku o buko salamat po sa mga comment nyo dhl sa pamamagtan it kali kita ay nakkarumruma

    jun Reply:

    god bless po sa inrong tanan, mga kababanwa

    ””

  8. jun says:

    sa tanang mga taga calabasahan….mga kababaryo, mabuhay ktang tanang Sibalenhon!!

Leave a Reply

You must be logged in to post a comment.