Sa Ako Pinalanggang Maguyang

“Aray it maado ag pumakando baga,
Kinang binata'y aya anay ig isipa,
Ka taw-e't atens'yon ay nang pag-eskwela,
Ayag unaha kinang yadaw ag lakwatsa.”

“Kataas ka pangarap namu para sa inro,
Kada manra tanan ay amu inghihimo,
Ing-papagsikapang mapa-eskwela kamo,
Mga anak, aya baga kami'g bigua ninro.”

Sa halos doseng tuig nako't pag-eskwela,
Ak perming narurunggan kaling mga bisaya,
Mga pangaray sa amo ni Mama ag ni Papa,
Sa among limang maghali'y ingsisiling ninra.

Mga pangaray ninra'y inde ak malimtan,
Halos gab-e gab-e'y ako narurumruman,
Nagtatao't kusog adong makakayanan,
Ka buhay nak mayado sa ako maguyang.

Tanang sakripisyo'y inghuhuman ninra,
Kaming maghali yang ay mapa-eskwela,
Aber nahihirapa'y uyag papansina,
Basta't kami yang ay inra mapasadya.

Ka salamat yang, ayam nakong kuyang pa,
Para ak masuklian ka sakripisyo ninra,
Kada ingpapakando yangey ka ak pag-eskwela,
Adong ka karangala'y ak maitatao sa inra.

Mama, Papa, kali ay para sa inro,
Sa inrong ruha ay sobrang proud ako,
Para sa ako ay the best parents kamo,
Mama, Papa, salamat, I love you!